Hugmyndin um “venjulegt” fólk með ofurkrafta er eiginlega, svo ég leyfi mér að alhæfa, eins óamerísk og mögulegt er. Yfirleitt er fólk með ofurkrafta, í Bandarískum teiknimyndasögum, í ofurhetjubúningum, yfirleitt! Þessu er hinsvegar ekki þannig háttað með japanskar teiknimyndir. Sumar ofurhetjur eru svo sem örugglega í búningum en í mörgum tilfellum eru hetjurnar bara “venjulegt” fólk með ofurkrafta. Þráðurinn í sögunum er þó kannski aldrei dýpri en gott á móti vondu en það sem yfirleitt skilur á milli japanskra teiknimyndasagna og annarra teiknimyndasagna er þessi innri barátta aðalpersónanna við spurninguna um hvað sé rétt og rangt. Þetta gæti þó verið alhæfing. Spurning um að þú, já ÞÚ, hringir í Geir Ólafs og látir hann lesa með þér í gegnum textann bara svo þú sért örugglega ekki að misskilja eitthvað!

Allaveganna, ekki það að ég hafi ætlað að tala um Heroes né heldur hinn japanska eldri bróðir hans, þáttinn X. Ég ætla bara að henda inn einu stundu youtube myndbandi og drífa mig beint yfir í aðalefni þessarar færslu. Hvort fólk upplifi einhver líkindi með þessu og Heroes veit ég ekki, en það er aukaatriði!

Svo er annar bandarískur þáttur sem heitir Dexter og , fyrir þá sem búa í helli, fjallar um vísindamanninn Dexter Morgan sem vinnur hjá lögreglunni í Miami við glæparannsóknir milli þess sem hann leggur stund á það að myrða glæpamenn. Þetta vita svo sem allir sem hafa á annað borð horft á sjónvarp. Hitt er svo annað mál að Dexter þessi þarf að fara mjög varlega til þess að á hann falli ekki grunur. Oft skellur þó hurð nærri hælum. Frumlegt myndi kannski einhver segja, en nei bíddu þá hefði sá hinn sami ekki séð eða lesið hina dásamlegu teiknimyndasögur Death note!

Bíddu bíddu, sagðirðu DEATH NOTE hugsið þið kannski og jú jú eins og þið hefðuð komist að hefðuð þið sparað ykkur spurninguna en þess í stað leyft mér að skrifa þessa setningu og þar með stela af ykkur meira en tvöföldum þeim tíma sem fór í þessa heimskulegu spurningu, þá sagði ég Death Note!

Death Note fjallar um Yagami Light sem lendir í því einn daginn að finna svokallaða dauðabók(e:death note) sem dauðaguðinn (shinigami) Ryuk týndi. Dauðabókin virkar þannig að sé nafn einhvers skrifað í bókina þá mun sá hinn sami deyja. Yagami tekur þá ákvörðun að breyta heiminum og hefur að útrýma öllum glæpamönnum hverra nöfn hann kemst yfir. Þetta verður til þess að lögregluyfirvöld um allan heim reyna að sameinast um að finna og stöðva þann eða þá sem stendur fyrir þessu og fá hinn ofurgáfaða spæjara L til þess að finna þann sem stendur fyrir þessu.

Og þetta tengist Dexter hvernig kanntu að spyrja. Já, það vill nefnilega svo skemmtilega til að Yagami Light er sonur lögregluforingjans sem fer fyrir sérsveitinni sem á að finna og stöðva morðingjann, en það er ekki allt, Light er líka fluggáfaður snillingur sem hefur áður hjálpað lögreglunni við að leysa ráðgátur og því er hann fenginn til að hjálpa lögreglunni að finna morðingjann.

Já, þeir sem hafa horft á Dexter áttuðu sig kannski á því hvað ég er að tala um, þetta er alveg ískyggilega líkt! Death Note mangað kom út í Japan árið 2003 en bókin sem Dexter er byggð á kom út árið 2004 í Bandaríkjunum!

En það er þó ekki hægt að kalla þessa færslu Death note og bera bara saman Death note og Dexter. Nei nei nei! Ég ætla að benda dyggum lesendum mínum sem og öðrum ekki dyggum lesendum sem rötuðu kannski inn á þessa síðu milli rjómatertna á það að Death note að langi viðkomandi að sjá góðan krimma með rosalegu plotti þar sem áhorfandinn er nánast með hjartað í buxunum allan tímann og hefur engan grun um hvernig eitt né neitt endar. Horfið þá á Death note!

Já, Death note er víst anime eða japönsk teiknimyndasería. Sum ykkar munu ekki geta yfirstigið þá staðreynd að þetta er ekki á ensku, ykkar missir! Þið ættuð þó að prufa að horfa á anime bara fyrir talsetninguna. Japönsk talsetning er að mínu mati einhver sú besta sem fyrirfinnst á þessum hnetti, enda er litið á teiknimyndir í japan sem alvöru sagnaform en ekki bara eitthvað drasl til þess að friða litla krakka.

Góðar stundir, meðan þið horfið á Death note!

CRW_4783

Hef ekki notað þetta drasl HEILLENGI. Þessi pollur sem við skulum kalla Bjarnapoll er á Leirdalsheiði og greyinu líður greinilega svona líka vel á Leirdalsheiðinni, gott ef þetta er ekki bara Leirdalurinn í bakgrunni.

Fall er fararheill!

Kappinn hefur víst aldrei tekið bílpróf sem varð þess valdandi að hann mætti á reiðhjólinu landsfund vinstri grænna, einn manna. Heyrðu hérna fyrst við erum að tala um umhverfismál, mætti ég einn á reiðhjóli eða mættu einhverjir aðrir, nei bara það hefði verið VIÐEIGANDI.

Kappinn varð svo á vegi Þorfinns Ómarssonar í mánuðinum sem tók við hann viðtal. Þar átti sér stað fallegt yfirdrull yfir skipulagsyfirvöld. Takið vel eftir hjólaskúrnum!

Svo fann ég ansi skemmtilega færslu eftir hann á umræðusvæði Íslenska fjallahjólaklúbbsins en hún var eftirfarandi:

Mikið ofsalega er fréttamenskan stundum heimskuleg. Fréttamenn eru greinilega ekki hjólreiðamenn.

http://www.mbl.is/mm/frettir/innlent/2008/06/04/hjalmlaus_med_heyrnartol/

Þessir fréttamenn ættu að horfa sér nær því þeir eru þá liklega akandi, heyrnarlausir, sjónlausir og hjálmlausir:

http://mberg.blog.is/blog/mberg/entry/559508/

Hlustið á bullið í umferðaútvarp umferðastofu http://dagskra.ruv.is/streaming/ras2/?file=4368237/2

Sendið endilega póst á t.d. umferðastofu us@us.is og látið dæluna ganga. Það er gersamleg óþolandi þegar fólk sem hefur ekkert vit á hjólreiðum er að setja hjólreiðamönnum reglurnar

Kappinn heitir Magnús Bergsson og fær að þessu sinni úthlutað heilum 5 stigum úr stigasjóðnum.

E.S: Þess má til gamans geta að ég hugðist í upphafi láta titilinn innihalda stafsetningar/innsláttarvillu en áttaði mig á því að það var ómögulegt. Stafsetnyng er eina mögulega stafsetningarvillan, nema hvað hún er ekki möguleg. Finnst nokkrum manni þessi villa vera möguleg, og ef hversu líkleg þá?

Ég hefi því ákveðið að láta það fara í taugarnar á mér(þeir sem mig þekkja vita að fátt fer í taugarnar á mér ) og einsett mér að horfa gagnrýnum augum á allar þær gervifærslur sem birtast á blog.is tengdar fréttum af mbl.is, þ.e. færslurnar sem auglýstar eru á mbl.is.

Fullt af liði skrifar bara “ekkert skrýtið” eða “Ætli mamma hans viti af þessu” við fréttir eins og “Steve Irwing allur!”. Skammist ykkar!

En er þetta svo óskiljanlegt? Þegar að karlmenn hittast þá fara þeir að ræða um eitthvað alveg ótrúlega áhugavert, eiginlega bara algera andstæðu þess sem konur tala um, eða það er það sem okkur finnst. Konur skilja að sjálfsögðu ekkert hvað er svona voðalega gaman við hitt og þetta, frekar en karlar skilja hvað konum finnst gaman að þeirra áhugamálum.

En við hljótum þá að spyrja okkur(eða ekki, ég varpa þessari spurningu bara fram fyrir ykkur). Af hverju í andskotanum er eyðir kyn ,sem ekkert vill frekar en að komast frá eldavélinni, öllum sínum tíma í að tala um eldavélina og tengd efni? Það er frekar óskiljanlegt.

Konur eru reyndar ekkert óskiljanlegar, þær vantar bara Y-litninginn

Gaman að því, það er snjór í fjallinu, og reyndar bara mikill snjór ef út í það er farið og hver veit nema það verði snjór um páskana. Það gæti reyndar verið leiðinlegra að vinna í þessu hörkufrosti en það er nú bara vegna þess að vinnan mín felst í því að standa kyrr meirihluta dags.

Tónlistin, mælt er með Mors principium est og Scar symmetry

Fleira er það ekki á þessum klukkutímanum!

Ég vil þakka góðvini mínum Forrest fyrir að hafa setta þetta upp fyrir mig.(Forrest, mange tak )